Wednesday, May 14, 2008

قصة طوفان

قصة طوفان

زى قصة نوح و الطوفان

بلاد هتغرق و ازمان و انسان

و مركب بيتبنى..

لكن المركب مش بيبنيها نوح

ده قرصان.

و اختار القرصان

من كل عشيرة و كل مكان

لكنه اختار من بنى الانسان

كل من كان له مال و امان للقرصان.

و نادى الربان

"
اجمعوا التجار

الكبار منهم لا الصغار

اجمعوا الوزار

و المال، و من الارض البزار

و اذا لزم الامر

انزلوا من المركب

كل بانى و كل زارع

مش محتاجنهم

معانا الحديد و ما لزم العمار

معانا حبوب، و اكيد هتباركنا الامطار!

"

و اتقفل المركب

و جه الطوفان

الناس فى الميه بتحارب الموج

و المركب بيعافر من كتر حمولته

الناس بتجدف بايديها

و تستنى

يمكن ييجى فلك تانى

و تدعى

يمكن يكون عالفلك نوح من تانى..

3 comments:

Miss. Sosa said...

والمركب غرقت مش من تقل حمولة التجار
ولكن من كتر ذنوب قاطنيها من الاشرار
هوت بيهم في بئر رذيلة ماله قرار
ونجى الزارع والبنا اللي بيته انهار
نجو من غير مركب ولا طوق ولا سقف دار
نجو لقلوبهم اللي في ضلمة ليلنا فنار


تقبلي تحياتي ومروري

Christa said...

where ther is faith, there is hope... and there will always be olive leafs...

Now to him who is able to do immeasurably more than all we ask or imagine, according to his power that is at work within us.
Ephesians 3:20

Desert Rose said...

Miss Sousa

اشكرك على مرورك و كلماتك الرقيقة، فعلا كنت

اشعر جدا بما تقولين
تحياتى لك

Dear Christa..
thanks for passing by:)

i beleive what you say, all my hope was that upon drowning we keep the faith..

my regards:)